Si Santo Papa Benedicto XVI naghangyo sa tibuok Simbahan sa pag-angkong og inspirasyo gikan sa tuig sa hubileyo nga gipahinungod kang San Pablo. Nag-awhag usab siya sa pagsunod ni Apostol Pablo nga maisogong naningkamot sa pagmisyon.
Gipakita ni San Pablo nga diha sa lig-ong pagtuo atong mabuntog ang bisan unsang matang sa kahadlok, matud pa sa Santo Papa atol sa iyang pagpanalangin niadtong Hunyo 22.
Ang Santo Papa opisyal nga mibukas sa tuig ni San Pablo pinaagi sa paghimo og prayer service niadtong Hunyo 28 didto sa Basilica ni San Pablo sa Roma diin mahimutang sa lubnganan sa maong apostol.
Sa iyang paghatag og panalangin sa Dominggo, ang Santo Papa mihisgot sa papel sa pagtuo diha sa pagbuntog sa kahadlok. Iyang gipunting ang hitabo sa malisod nga panahon sa pagsangyaw sa ebanghelyo nga gihimo ni Pablo. Mipakita ang Dios kaniya pinaagi sa usa ka panan-awon ug miingon: "Ayaw kahadlok. Padayon sa pagsulti, ug ayaw pagpakahilom, kay mag-uban ako kanimo."
Sa pagkatinuod, si San Pablo mipadayon sa pagsangyaw uban sa kaisog, ug pag-antos sa pagkamastir sa katapusan. Ang Simbahan karon nangandam sa pagsaulog sa iyang ika-2,000 nga sumad sa pagkatawo pinaagi sa usa ka tuig nga Hubileyo.
"Hinaut nga kining espirituhanon ug pastoral nga paghitabo maghatag kanato og kabag-ohan sa atong pagtuo kang Jesus, kinsa nagtawag kanato sa pagsangyaw ug pagsaksi sa Ebanghelyo sa walay kahadlok," nagkanayon ang Santo Papa.
Matud sa Santo Papa ang kahadlok may nagkadiyang matang diha sa kinabuhi. Naglakip kini sa binatang kahadlok nga mawagtang sa pagkahamtong ug tinud-anay nga mga kahadlok nga kinahanglan buntogon diha sa pagpaningkamot.
Aduna usa'y lawom mga mga kahadlok mga sarang makahatag og kasakitan. Nagagikan kini sa usa ka kahaw-ang, ug nadugtong sa usa ka matang sa matang sa kultura nga nakagamut pinaagi mikatap nga nihilismo. Kining maong matang sa kahadlok nagpatigbabaw diin ang mga tawo naghunahuna nga makahimo sila bisan walay Dios, ug nagtuo nga ilang makontrolar ang kinabuhi ug kamatayon, o maayo ug dautan, nagkanayon ang Santo Papa.
Sa laing bahin, ang matuohon dili kinahanglang mahadlok sa bisan unsa tungod kay nahibalo siya nga anaa siya sa mga kamut sa Ginoo, ug ang kadautan dili magmadaugon sa katapusan.
